Chop a chop bin be dia mimba
For get chop dem make we ninga
Ninga dem we no want for be
Bicos which mop no like honey?
Dem tif all money sey na crish
Don cam catch economic finish
De small lep whey we bin get am
And we see dia plate carry yam,
Dem hold knife with fork want for chop
Na taim make we pipole sey stop
Bicos wonder fit foolish pass
We no go leave dem fool we pass
Since we no want drink dat quinine
Whey dem shi don no scratch dem skin
Some man must tell papa chop chop
Sey yi must fill up wia cup
No be with lie lie promise dem
We want na just true true one dem
Bifo we go sing choir for ye
So teh ye no go forget we
Whey we Kill dia club for chop chop
Whey boma dem di chop no f’ll-up.
No comments:
Post a Comment